Posted in
இன்று காலை கல்முனை, மருதமுனை, சாய்ந்தமருது பகுதிகளில் கடல் கொந்தளிப்பு மற்றும் ஒரு சில இடங்களில் கிணற்று நீர் மட்டம் குறைந்ததினால் மக்கள் பீதியடைந்து சுனாமி வரப்போகின்றதென்று பதற்றமடைந்திருந்தனர். இவ்வாறு நாட்டின் பல பகுதிகளுக்கும் வதந்தி பரவியிருந்தது. இருந்தாலும் அந்தச் செய்தி உண்மையில்லை என்பதனை இலங்கை அனர்த்த முகாமைத்துவ நிலையம், இந்திய சுனாமி எச்சரிக்கை மையம், ஆசிய பசுபிக் சுனாமி முன்னெச்சரிக்கை நிலையம் என்பன ஊர்ஜிதம் செய்துள்ளன. அத்தோடு இலங்கைக்கு அண்மையில் எவ்வித நிலநடுக்கங்களும் பதிவாகவில்லை என்பதும் ஊர்ஜிதம் செய்யப்பட்டுள்ளது. ஆகவே மக்கள் வீணாக அச்சமடையத் தேவையில்லை என்பதோடு வதந்திகளைப் பரப்புவதிலிருந்து தவிர்ந்து கொள்ளுமாறும் கேட்டுக் கொள்ளப்படுகின்றனர்.
©ODDAMAVADI NEWS
