Posted in
மட்-ஓட்டமாவடி தேசிய பாடசாலையின் நூற்றாண்டு விழா நினைவாக பாடசாலைக்கு பஸ் வண்டியொன்றை அன்பளிப்புச் செய்வதென்று கட்டார் வாழ் பழைய மாணவர் அமைப்பினர் (QATAR OBA) ஏற்கனவே தீர்மானித்திருந்தனர். அதன்படி நிதி சேகரிப்பிலும் ஈடுபட்டு வந்தனர். மேற்படி பஸ் கொள்வனவுக்கான நிதி சேகரிப்பு நிலைமைகளை ஆராயும் QATAR OBAயின் கலந்துரையாடல் கட்டார் லக்பிமையில் 26.01.2018ம் திகதி வெள்ளிக்கிழமை மாலை இடம்பெற்றது.
இதன்போது பெருமளவிலான கட்டார் வாழ் ஓட்டமாவடி தேசிய பாடசாலையின் பழைய மாணவர்கள் கலந்து கொண்டு தத்தமது கருத்துக்களைத் தெரிவித்திருந்தனர். அந்தவகையில் இதுவரை பஸ் கொள்வனவிற்காக பதினேழு இலட்சத்து எழுபத்தி மூவாயிரத்தி என்பத்தியிரண்டு ரூபாய் தொன்னூற்றி ஒன்பது சதம் (1773382.99) சேமிக்கப்பட்டுள்ளதாகவும் மிகுதியாகத் தேவையாகவுள்ள பணத்தை விரைவாகத் திரட்டி பஸ் வண்டியினைக் கொள்வனவு செய்து பாடசாலைக்கு வழங்க உத்தேசித்துள்ளதாகவும் தெரிவிக்கப்பட்டது.தகவல்-முஹம்மட் அனஸ்
© ODDAMAVADI NEWS
