Posted in
#Oddamavadi
முஸ்லிம் கலாச்சார விவகாரங்களுக்கான திணைக்களத்தினால் அகில இலங்கை ரீதியாக நடாத்தப்பட்ட அறபு பேச்சு போட்டியில் ஓட்டமாவடி மத்திய கல்லூரி மாணவன் BA.றிப்கான் முதலாம் இடம் பெற்று ஓட்டமாவடி தேசிய பாடசாலைக்கும் எமது ஊருக்கும் பெருமை சேர்த்து உள்ளார்.
இந்த மாணவர் ஏற்கனவே பல போட்டி நிகழ்ச்சிகளில் கலந்து கொண்டு மாகாண மற்றும் மாவட்ட ரீதியில் வெற்றிகளைப் பெற்று ஓட்டமாவடி தேசிய பாடசாலைக்கும் இவ்வூருக்கும் பெருமை தேடித் தந்தவர் என்பதுவும் குறிப்பிடத்தக்கது. அத்தோடு இவர் ஓட்டமாவடி மற்றும் கல்குடா பிரதேசங்களில் அறிவிப்புத் துறையில் வளர்ந்து வரும் ஒரு அறிவிப்பாளர் என்பதுவும் குறிப்பிடத்தக்கது. இப்பாடசாலையின் நூற்றாண்டு விழா நிகழ்ச்சிகளின் போது நடாத்தப்பட்ட பல போட்டி நிகழ்ச்சிகளுக்கு அறிவிப்பாளராக தனது கடமையினை செவ்வனே நிறைவேற்றியிருந்தார்.இந்த மாணவருக்கு ஊக்கமளித்து தேசிய ரீதியில் முதலிடம் பெறுவதற்கு உதவியாய் இருந்த பெற்றோர், பாடசாலை அதிபர் மற்றும் ஆசிரியர்கள், நண்பர்கள் அனைவருக்கும் எமது ODDAMAVADI NEWS செய்திச்சேவை சார்பாக நன்றிகளையும் வாழ்த்துக்களையும் தெரிவித்துக் கொள்கின்றோம்.
ODDAMAVADI NEWS
