Posted in
வாட்ஸ்அப்பில் மோமோ என்ற தற்கொலை கேம் பரவுவதால் உலக நாடுகளிலுள்ள பெற்றோர்கள் தமது குழுந்தைகள் தொடர்பில் அவதானத்துடன் இருக்க வேண்டுமென இங்கிலாந்து காவல்துறையினர் அறிவித்துள்ளனர்.
கடந்த சில மாதங்களுக்கு முன், ப்ளுவேல் என்ற தற்கொலை கேம் இணையத்தில் வெளியாகி, மிகப்பெரிய பரபரப்பை ஏற்படுத்தியது. இந்த கேமை விளையாடும் சிறுவர்கள், இளைஞர்கள் தற்கொலை செய்து கொள்ள தூண்டப்பட்டதே அதற்கு காரணம். உலகளவில் இதன் தாக்கத்தினால் சுமார் 130 பேர் வரை தற்கொலை செய்திருந்தனர். இதையடுத்து, இந்த கேமின் ஆபத்தை உணர்ந்த சர்வதேச நாடுகள், அதை தடை செய்தன. இந்நிலையில், தற்போது ‘மோமோ’ என்ற தற்கொலை கேம் வாட்ஸ்அப்பில் பரவி வருவதாக தகவல் வெளியாகி உள்ளது.
சில மாதங்களுக்கு முன்னர் இளைய தலைமுறையினரை குறிவைத்து தாக்கிய அபாயகரமான விளையாட்டான ப்ளுவேல் விளையாட்டை தொடரந்து வீதி விபத்துக்களை ஏற்படுத்தும் கிகி சேலஞ்ச் பிரபல்யமானது. அந்த வரிசையில் தற்போது ”மோமோ செலஞ்ச்” விளையாட்டானது இணைத்தளங்களில் வைரலாகி வருகின்றது.
மனநிலை பாதிக்கப்பட்ட ஏலியன் (வேற்றுக் கிரகவாசி) போன்ற தோற்றம் கொண்ட பெண்ணின் உருவத்தை முன்னிறுத்தி இந்த விளையாட்டு உருவாக்கப்பட்டுள்ளது. அந்த ஏலியன் உருவமுள்ள பெண்ணின் பெயரே ”மோமோ” ஆகும்.
பேஸ்புக்கில் அறிமுகம் இல்லாத நபர்களுக்கு போன் செய்ய வேண்டும் என தொடங்கிய இந்த சேலஞ்ச், சமூக வலைத்தளங்களில் கிகிசேலஞ்ச், பிட்னஸ் சேலஞ்ச் வைரலாவதைப் போல, வாட்ஸ்அப்பில் பரவத் தொடங்கியது.
இந்த சேலஞ்சில் பங்கேற்க, வாட்ஸ்அப்பில் பகிரப்படும் மோமோ என்ற எண்ணை சேமித்து, அதற்கு மெசேஜ் செய்ய வேண்டும். அந்த மோமோ தொடர்பு எண் பார்க்க மிகவும் பயங்கரமான தோற்றத்துடன் பேய் போல இருக்கும்.
ஆர்ஜன்டினா நாட்டைச் சேர்ந்த 12 வயது சிறுமி கேம் ஒன்றை விளையாடியதன் பின்பு தற்கொலை செய்து கொண்டு இறந்துள்ளார். குறித்த சிறுமியின் செல்போனை ஆராய்ந்ததில் வாட்ஸ்அப்பில் வந்த மெசேஜை பார்த்த பின்பு தற்கொலை செய்து கொண்டது தெரிய வந்துள்ளது. வாட்ஸ்அப்பில் வந்த ஒரு லிங்கில் மோமோ செலஞ்ச் கேம் இருந்துள்ளது. பேஸ்புக் மூலம் கைத்தொலைபேசி இலக்கம் எடுக்கப்பட்டு அதற்கு இந்த லிங் வட்ஸ்அப்பில் அனுப்பப்பட்டுள்ளது.
இந்த கேமில் மனநிலையைப் பாதிக்கும் வகையில் பல புகைப்படங்கள் முதலில் பகிரப்படுகின்றன. அதன் பிறகு ஒருவரது அந்தரங்கம் தொடர்பான கேள்விகள் கேட்கப்பட்டு கேமில் விறுவிறுப்புடன் பங்கேற்கத் தூண்டுகின்றனர். குறிப்பிட்ட ஒவ்வொரு படிமுறையிலும் வரும் கேள்விகளுக்கு பதிலளிக்காமல் சவாலை ஏற்காதவர்கள் தற்கொலைக்கு முயற்சிக்க வேண்டும் என்பதுதான் மோமோ செலஞ்ச் கேம் ஆகும்.
அப்படி சவாலின் படி தற்கொலைக்கு முயற்சிக்காவிட்டால் நமது செல்போனிலிருந்து இரகசியமாகப் பெறப்பட்ட அந்தரங்க தகவல்களையும், போட்டோக்கள் மற்றும் வீடியோக்களையும் நம்மிடம் கேள்விகேட்டு பெறப்பட்ட அந்தரங்க தகவல்களையும் இணையத்தில் பரப்பிவிடுவோம் என்று மிரட்டப்படுகிறது.
அதாவது மோமோ லிங்கை ஓபன் செய்தவுடனேயே எமது செல்போனின் கெமராவை எமக்குத் தெரியாமல் இயக்குவதற்கான அனுமதி மோமோ கேம் தளத்திற்குக் கிடைத்து விடுகிறது. இதனால் நமக்குத் தெரியாமலேயே நமது அந்தரங்கள் நமது செல்போனினூடாகவே பதிவுசெய்யப்பட்டு குறித்த தளத்திற்கு பதிவேற்றம் செய்யப்படுகின்றது. நாங்கள் சவாலை ஏற்காமல் தற்கொலை செய்ய மறுத்தால் குறித்த வீடியோக்கள், போட்டோக்கள், நமது அந்தரங்க தகவல்கள் எல்லாம் வெளியாக்க நேரிடும் என மிரட்டப்படுவதால் இளைஞர்களும், பெண்களும், குழந்தைகளும் தற்கொலை செய்து கொள்கின்றனர்.
இதனால் மோமோ லிங் வட்ஸ்அப்பில் வந்தால் அதனை என்னவென்று பார்ப்போம் என்று கூட அதாவது தவறுதலாகக் கூட ஓபன் செய்யவோ மற்றவர்களுக்கு பகிரவோ வேண்டாம் என்று எச்சரிக்கை விடுக்கின்றோம். தங்களின் பிள்ளைகள் செல்போனில் மேற்கொள்ளும் நடவடிக்கைகள் தொடர்பாக பெற்றோர்கள் விழிப்புடன் இருக்குமாறும் கேட்டுக் கொள்கின்றோம்.
PARENTAL CONTROL SETTINGS
உங்களது போனில் அல்லது அன்டி வைரஸ் சொப்ட்வெயாரிலுள்ள, அல்லது சிஷ்டம் செகியூரிட்டி செட்டிங்ஸில் உள்ள பேரன்டல் கொன்ட்ரோல் மூலம் உங்களது பிள்ளைகள் செல்போனில் அல்லது கனணியில் எந்தெந்த பகுதியில் அல்லது இணையத்தில் அல்லது கேமில் எந்தெந்தப் பகுதிகளில் நுழைய அனுமதிக்கலாம் என்பதை நீங்கள் கட்டுப்பாட்டில் வைத்திருக்க முடியும். இதற்கான சொப்ட்வெயார் அப்ளிகேசன்கள் இணையத்திலிருந்தும் மேலதிகமாக தரவிறக்கம் செய்து கொள்ள முடியும். இலவசமாகப் பெற்றுக் கொள்ளக் கூடிய சிறந்த அப்ளிகேசன் சிலவற்றின் பெயர்கள் கீழே தரப்பட்டுள்ளன. அவற்றை உங்கள் செல்போனில் தரவிறக்கம் செய்து உங்களுக்கேற்றால் போல் தன் குழந்தைகள் செல்போனில் எந்தெந்த செயற்பாடுகளைச் செய்ய முடியும் என்ற கட்டப்பாடுகளை விதித்துக் கொள்ள முடியும்.
BEST FREE PARENTAL CONTROL APPS FOR Android, iOs and Other Plateforms
01. Kaspersky Safe Kids - Kids Mode
02. Norton Family Parental Control
03. Kids Place Parental Control
04. Screen Time Parental Control
05. Funamo Parental Control
-ஆதம் றிஸ்வின்-
