Posted in
காத்தான்குடியில் இயங்கும் பெண்களுக்கான இக்ரா இஸ்லாமிய அழைப்பு மையம் சவூதி அரேபியாவில் மரண தண்டனை விதிக்கப்பட்டுள்ள மூதூரைச் சேர்ந்த றிஸானா நபீக்கிற்கு மன்னிப்பு வழங்குமாறு கோரி கையெழுத்து திரட்டும் நடவடிக்கை ஒன்றை மேற்கொண்டுள்ளது.சவூதி அரேபிய மன்னர் அப்துல்லா பின் அப்துல் அஸீஸுக்கு, அவசர கோரிக்கை கடிதமொன்றை அனுப்புவதற்காக காத்தான்குடி பிரதேசத்தில் 5000 கையெழுத்துக்களைத் திரட்டும் நடவடிக்கையை மையம் இன்று ஆரம்பித்துள்ளது.
காத்தான்குடி பிரதான வீதியிலுள்ள குட்வின் சந்தியில் வைத்து கையெழுத்திடும் நடவடிக்கை ஆரம்பமானது. இதில் ஆண்கள், பெண்கள் பலரும் கையெழுத்திட்டு வருகின்றனர். இன்று காலை பாடசாலைகளிலும் கையெழுத்திடும் நடவடிக்கை இடம்பெற்றது.
