Posted in
நாட்டின் அபிவிருத்திக்கு கடுமையான சட்டதிட்டங்கள் அவசியமென நெடுஞ்சாலைகள் பிரதி அமைச்சர் மேர்வின் சில்வா தெரிவித்துள்ளார். மேலும், சமுர்த்தி அதிகாரியை மரத்தில் கட்டியது தொடர்பில் கேள்வி எழுப்பிய போது தான் அந்த அதிகாரியை மரத்தில் கட்டி மக்களுக்கு டெங்கு தொடர்பில் விழிப்புணர்வை ஏற்படுத்தியுள்ளதாக அவர் தெரிவித்தார்.
இதேவேளை, அந்த சம்பவத்தின் பின் பாரிய அளவு டெங்கு நோய் தாக்கத்துக்கு உட்படுவோர் தொகை குறைவடைந்துள்ளதாகவும் அவர் தெரிவித்துள்ளார்.
தொடர்ந்து, இது சட்டவிரோதமில்லையா எனக் கேள்வி எழுப்பிய போது, அவர் டெங்குவினை ஒழிப்பதற்காகவும், விழிப்புணர்வினை ஏற்படுவதற்காகவும் மேற்கொள்ளும் எந்தவொரு நடவடிக்கையும் சட்டவிரோதமில்லை என அவர் தெரிவித்துள்ளார்.
இந்நிலையில், முன்னைய காலத்தில் அரசர்கள் கடைப்பிடித்த சட்டதிட்டங்கள் இன்னமும் கூட நடைமுறையில் உள்ளதெனவும், முன்னைய காலங்களில் கிராமத் தலைவர்கள் குற்றவாளிகளுக்கு மரத்தில் கட்டி வைப்பது போன்ற தண்டனைகள் வழங்கியுள்ளதாகவும் அதனை தண்டு கண்ட என அழைத்ததாகவும், அது போன்ற சட்டங்கள் இன்றைய காலங்களில் தகுதியானவை எனவும் அவர் தெரிவித்துள்ளார்.
