Posted in
இலங்கை இராணுவ வரலாற்றிலே முதல் தடவையாக எதிர்வரும் 21 ஆம் திகதி தரைப்படையினர், கடற் படையினர், விமானப்படையினர் ஒன்றினைத்து உடற்பயிற்சி நிகழ்ச்சி திட்டம் ஒன்று நடைபெறவுள்ளதாக இராணுவப் பேச்சாளர் மேஜர் ஜெனரல் உபய மெதவெல தெரிவித்துள்ளார். மேலும் அநுராதபுரம், தந்திரிமலை மற்றம் மாவில்லு உட்பட மன்னார் மாவட்ட சிலாவத்துறையிலும் இந்த உடற்பயிற்சி நிகழ்வு 9 நாட்கள் நடைபெறவுள்ளதாகவும் அவர் தெரிவித்துள்ளார்.
இந்நிலையில், இந்த செய்ற்திட்டத்திலே 1600 இராணுவ உயர்தர வீரர்கள் மற்றும் விசேட அதிரடிப் படைப் பிரிவினர் சிலர், கடற்படை உயரதிகாரிகள் மற்றும் விமானப்படைத் தலைவர்கள் பயிற்சி அளிக்கவுள்ளனர் எனவும் தெரிவித்துள்ளார்.
இதேவேளை, அனைத்து பாதுகாப்பு பிரிவின் நுட்பங்களை தெரிந்து கொண்டு பலத்தினை அதிகரித்து பலவீனத்தை மறக்கடிப்பதற்காகவே இந்த நடவடிக்கை மேற்கொள்ளப்படுவதாக அவர் தெரிவித்துள்ளார்.
