Posted in
இலங்கை தமிழர் பிரச்னையில் தமிழக அரசு அங்குள்ள தமிழர் நலன் காக்க நடவடிக்கை எடுக்கவில்லை என ம.தி.மு.க பொதுச் செயலாளர் வைகோ குற்றம் சுமத்தியுள்ளார். திருநெல்வேலி மாவட்ட சந்தையில் மதிமுக சார்பில் நடந்த பொதுக்கூட்டத்தில் பேசிய போதே வைகோ இவ்வாறு தெரிவித்துள்ளார்.
மத்திய அரசு இலங்கை அரசுக்கு ஆதரவாக செயல்படுகிறதே தவிர தமிழர் நலன் காக்க பாடுபடவில்லை. தமிழர்களை கொடுமைபடுத்துபவர்களுக்கு இந்திய அரசு துணை போவது பற்றி உலகநாடுகள் கண்டனம் தெரிவித்தும் இந்திய அரசு மறைமுகமாக இலங்கை அரசுக்கு ஆதரவாக செயல்படுவது தமிழர்களை திட்டமிட்டு பழிவாங்கும் செயலாகும். இது கண்டனத்துக்குரியது என்றார் என இந்திய ஊடகங்களில் செய்தி வெளியாகியுள்ளது.
